18.03.2025
Вести
Почитувани,
Во овие тажни денови за нашата земја по трагичниот настан во Кочани, во време кога сите наши напори, професионализам и надеж се насочени кон спасување на повредените, санирање на последиците и речиси невозможните напори за намалување на болката од траумата на индивидуално и колективно ниво, поддршката од домашната и меѓународната јавност и сестрински здруженија и асоцијации во регионот и Европа, поткрепуваат еден мал но важен дел од сеопштата тага по изгубените животи!
Дел од овие наши колеги и колешки исклучителни професионалци во своите области, во моментот се грижат за дел од нашите деца - дел од повредените коишто се испратени на лекување во здравствените центри надвор од земјава!
Им благодариме за секоја подадена рака, за секоја поддршка, за секоја солза и воздишка заедно со нашите!
Почитувани колеги, Вашата солидарност и присуство со збор и дело, се голем стимул во овие денови на искушение за сите нас! Вашата помош и поддршка, во овие моменти се и наша сила и наша енергија да се справиме со сите предизвици и да продолжиме со грижата за сите наши пациенти со професионализам знаење и посветеност како и досега, така и понатаму и покрај болката во душите на секој од нас!
Во продолжение, дел од пораките на наши колеги, пријатели и соработници:
„Во овие тешки моменти, нашата солидарност и поддршка од страна на сите меѓународни асоцијации е повеќе од важна. Заедно, како сестринска заедница, ќе го пребродиме ова и ќе им помогнеме на оние што најмногу имаат потреба.“
Доц. Д-р Адриано Фригановиќ,
Претседател на EСНО
„Драги колеги и колешки, многу ми е жал за овие тешки моменти во вашата земја, за толку многу изгубени животи. Моите мисли се со нивните семејства. Големa прегратка од мене.“
Пати Бурга,
Претседател на Италијанската Асоцијација на Сестри од Гастроентерологија
„Трагедија која носи неизмерен бол за семејствата, за државата, за целиот свет... Болка која ја сече душата. Никој збор не може да ја опише. Искрено сочуство на сите кои жалат. Нека им биде вечен мир. Молитви за брзо опоравување на преживеаните.“
Гордана Драгошев,
Претседател на здружението „УИНАРС“ од Србија
„Почитувани, осчуствувам со вашата болка. Кај нас на УКЦС, на интензивната нега се сместени 16 ваши граѓани. Заедно со колешките, колегите и докторите ќе дадеме се од себе за да помогнеме за нивно побрзо закрепнување и враќање во своите домови.“
Прибичевиќ Мирјана,
Главна сестра УКЦС
„Секој ден е нова битка, но кога имаме поддршка од сите, знаеме дека не сме сами. Браво за вашата храброст и ви ја нудиме нашата искрена помош.“
Нино Алиќ,
Претседател на Комора на дипл. мед. сестри на Федерална БиХ
„Македонскиот народ во овие моменти има потреба од помош. Нека оваа помош која ја добивате од меѓународната заедница ве поттикнува да издржите и понатаму да се грижите за пациентите со најголем професионализам.“
Зорица Милошевиќ,
„Боже, чувај ја нашата младина. Со голема болка ја примивме веста. Искрено сочуствувам со сите семејства кои го загубија својот најблизок.“
Раденка Цираковиќ,
Претседател на ЗР Лозница
„Сочуство на семејствата на настраданите и на сите граѓани на Северна Македонија. Со вас сме во овој болен момент. Нашите мисли и молитви се со вас.“
Проф. Катерина Јонев,
Претседател на Асоцијација
„Сочуство на семејствата. Нека имаат сила да издржат во овие тешки моменти.“
Мевлудин Бабаиќ,
Претседател на ПУЛС - БиХ
„Веќе е премногу тажно и жалосно за сите изгубени животи. Толку многу младост, толку многу болка... Ако можам да помогнам, јавете се. Искрено сочуство на вас и вашиот народ.“
Вукица Жукиќ,
Црна Гора
„Искрено сочуство до семејствата на настраданите. Истовремено, сочуство и на земјата која на болен и трагичен начин ја губи својата младина.“
Живана Вуковиќ Костиќ,
Претседател на ЗМСА – Р.Српска
„Тоа е ужасна трагедија, голема жалост за семејствата на настраданата наша младост. Нека им биде вечна слава, а повредените што поскоро да се опорават.“
Сеад Мрконџа
„Искрено саучество на семејствата.“
Самела
„Навистина потресно, голема трагедија. Сочуство на семејствата на загинатите деца.“
Љиљана Стјеповиќ
„Искрено сочуство на семејствата и посакувам брзо оздравување на повредените.“
Радмила
Никогаш, никаде и никому да не се повтори!
Нашите мисли и молитви се со семејствата на сите погинати и повредени.
