СЕ ОДРЖА 17-ОТ КОНГРЕС НА ХРВАТСКОТО ЗДРУЖЕНИЕ HDMSARIST

Почитувани, изминатата недела, во периодот од 16 – 19 мај, се одржа 17от Меѓународен конгрес на хрватското здружение на медицински сестри за анестезија, реанимација, интензивна нега и трансфузија (HDMSARIT) на тема „Партнерство за сигурност на пациентите“.

Годинава за прв пат делегација и од нашето здружение предводена од претседателот, сестра Гордана Бешлиовска присуствуваше на овој голем едукативен настан.

Унијата на ЗМСТАС предводена од ЗМСТАС „ЗА НАС“ се заблагодарува на поканата и срдечното гостопримство на претседателот на хрватското здружение, Проф. Доц. Адриано Фригановиќ, со кој веќе имаме и долгогодишна соработка и поддршка во европските асоцијации.

Импозантниот настан се одржа во Водице, Хрватска, каде на официјалното отворање свои излагања покрај претседателот имаа и Џеки Роулс, претседател на Меѓународната асоцијација на сестри - анестетичари (IFNA), Ведрана Вејзовиќ од Универзитетот за здравство во Малмо (Шведска), Горан Мошиќ, претседателот на Балканската Асоцијација на Медицински Сестри, Маја Грба Бујевиќ од Хрватскиот завод за итна помош и останати еминентни имиња од Хрватска и регионот.

При официјалното отворање на конгресот беа истакнати и доделени признанија за најдобрите ученици, а предавањата од првиот ден завршија со панел дискусија на тема „Зелен начин на размислување во интензивната нега - Дали сме подготвени?“.

Благодарение на поддршката од медиумите во нашата земја имавме и директно вклучување во живо, во утринската програма, на националниот сервис МРТВ, од 17-от меѓународен конгрес во Водици.

Во текот на тридневниот едукативен настан беа изведени над 100 предавања, работилници и дебати.

Последниот ден беше организиран и состанок предводен од претседателот на IFNA, Џеки Роулс каде беше отворена темата за сестрите - анестетичари од Балканскиот регион.

На состанокот присуствуваа преставници од регионалните здруженија меѓу кои и нашето здружение, каде беше истакнато дека во склоп на ЗМСТАС „ЗА НАС“ постои Друштво на медицински сестри - анестетичари.

Сестра Бешлиовска со свое излагање и презентација посветена на историјатот на нашето здружение ги образложи тековните случувања, а воедно беа пренесени и проблематиките со кои се соочуваме во овој сегмент, особено делот наменет за едукација на сестрите и нивното валолизирање.

Го истакнуваме овој состанок како многу важен и поради преговарачките моменти со цел да станеме дел и од Меѓународната асоцијација на сестри - анестетичари (IFNA).