Традиционално, по шести пат Унијата на ЗМСТАС предводени од Здружението на медицински сестри, техничари, акушерки и стоматолошки сестри ЗМСТАС - ЗА НАС на 12ти мај ја организираше Свечената академија во чест на Меѓународната недела на сестринството.
Во присуство на голем дел од членовите, соработниците и добронамерниците на Унијата и сестринската професија домот на АРМ во Скопје беше целосно исполнет со позитивна енергија.
Настанот го отвори оперската певица, сопранот
Серафина Фантузо со химната на нашата земја.
Чест и задоволство ни е што секоја година не изостанува ниту поддршката и поздравот од Претседателот Стево Пендаровски
Унијата на здруженија предводени од Здружението на медицински сестри, техничари, акушерки и стоматолошки сестри „ЗА НАС“ за шест години успеа да сплоти над 6000 членови и секоја година токму во нивна чест ја организираат свечената академија каде се одаваат и признанија на луѓето кои се најзаслужни за афирмирање и развој на сестринството во нашата земја. По тој повод преку кратка фото-ретроспектива се потсетивме и на развивањето на Унијата од 2017та година па се до ден денес...
Од 2021ва година сестринството во нашата земја доби и своја сестринска заклетва. Дипломираната медицинска сестра
Снеже Беговска од ЈЗУ ГОБ „8ми Септември“ истапи на сцената и не потсети на овие моќни зборови...
.png)
Поздравни говори кон сестринството во нашата земја одржаа и
Д-р Злате Мехмедовиќ, координатор на надзорниот одбор за реформи во примарната здравствената грижа како и координатор за процесот на дигитализација во здравството при министерството за здравство и национален фокал поинт за примарна здравствена заштита на СЗО и
Д-р Соња Славковиќ, претставник од Министерството за образование.
Унијата на здруженија предводена од Здружението на медицински сестри, техничари, акушерки и стоматолошки сестри „За нас“ изминативе години поттикна многу теми кои се важни за севкупниот напредок на сестринската професија. Се разбира од некаде мора да се започне, а таа тоа го направи на многу искрен и транспарентен начин. Борбено и незапирливо до ден денес... Со голем аплауз беше поздравена и сестра
Гордана Бешлиовска, иницијаторот и претседателот на Унијата и здружението „За нас“.
Вредноста на сестринството и нивната голема улога во здравствениот систем ни е добро позната на сите. Токму затоа постоењето на здружение кое вистински ќе се грижи и ќе ги штити интересите на сестринството е од особено значење за нив, но и за корисниците на здравствените услуги.
Во чест на медицинските сестри - акушерки говореше сестра Магдалена Киш од Аџибадем Систина...
Кон крајот на месец март ЗМСТАС – ЗА НАС и официјално стана член на Балканската Асоцијација на Медицински сестри БАМС. Ова е голем успех за современото сестринство и голем исчекор на патот за ЕУ каде професијата на медицинските сестри е една од шесте регулирани професии со европска директива. Во знак на добра соработка, претседателите на БАМС упатија честитки за Неделата на сестринството.
Со создавањето на здружението „ЗА НАС“ набрзо беше оформена и Унијата на здруженија која ја спои цел сестриска фела во нашата земја. По повод Денот на медицинската сестра на сцената краток говор имаа координаторите на Унијата и претседатели на здруженијата:
Здружение на Медицински Сестри, Техничари, Акушерки и Стоматолошки Сестри „За Нас“
(Претседател: Гордана Бешлиовска)
Здружение на Медицински Сестри, Техничари и Акушерки „Славјанка Влахчева“
(Претседател: Ирена Нечовска)
Здружение на Медицински Сестри, Техничари, Акушерки и Лаборанти - Албанци „Флоренс Најтингејл“ - Тетово
(Претседател: Наџије Фетаи)
Здружение на Медицински Сестри, Техничари, Акушерки и Лаборанти - Албанци - Гостивар
(Претседател: Џеват Салија)
Здружение на Медицински Сестри, Техничари и Акушерки – Гостивар
(Претседател: Ивица Билбиловски)
Сојуз на Медицински Техничари и Лаборанти – Тетово
(Претседател: Тони Јакимовски)
Признанија за најхумани медицински сестри
за 2022 година
Унијата на ЗМСТАС предводена од ЗМСТАС „ЗА НАС“ искажува голема благодарност до ликовниот уметник Живко Поповски - Цветин и до естрадните уметници кои оваа година го збогатија нашиот настан: Ристо Самарџиев, Елена Андоновска и Трио Џентлмен.
Голема благодарност и за големата професионалност на прекрасната Каролина Петковска, која втора година по ред ја води свечената академија.
Воедно се заблагодаруваме и до сите пријатели и соработници кои ни се поддршка и ни помогнаа при реализација на овој голем настан за сите нас.
Фотографии и камера:
Андреј Ристовски
Графички дизајн, мултимедијална реализација:
Даниел Стојмановски
Односи со јавност и комуникација со медиуми:
Даниел Стојмановски
Администрација и комуникација со членови:
Елена Кавракова
zanas.mk | Мај 2023