СОЧУВСТВО ДО СЕМEЈСТВОТО НА ПРЕРАНО ЗГАСНАТИОТ МЛАД ЖИВОТ: 28 ГОДИШНАТА МЕДИЦИНСКА СЕСТРА МИРЛИНДА АЗИЗИ ПОЧИНА ПО КОМПЛИКАЦИИ ОД КОВИД 19

14.8.2021

Вести

Унијата на ЗМСТАС предводена од здружението „ЗА НАС“ изразува длабоко жалење и сочувство до семејството на прерано згаснатиот живот на нашата колешка, дипломираната медицинска сестра Мирлинда Азизи.

Уште една медицинска сестра ја изгуби битката во борбата против ковид пандемијата!

Во текот на вчерашниот ден по компликации предизвикани од вирусот почина младата сестра од Кичево. На само 28 години, дипломираната медицинска сестра по заразувањето на работното место не успеа да го дочека признавањето на високата школа.

Во текот на денешниот ден беше организиран и нејзиниот погреб.

Трагичниот настан остава длабока трага во сите нас, особено во нашата сестринска фела потсетувајќи не на сите ризици со кои се соочуваме секојдневно одговарајќи на нашите работни задачи.

Почивај во мир драг Ангелу!