МЕЃУНАРОДЕН ДЕН НА ТРУДОТ: ДА СЕ БОРИМЕ ЗА НАШИТЕ ПРАВА!

01.5.2020

Вести

РАБОТНИЦИ ДА СЕ БОРИМЕ ЗА НАШИТЕ ПРАВА

Меѓународниот ден на трудот е меѓународен празник кој се празнува на 1 мај и е посветен на борбата за зачувување и унапредување на правата на работниците. Меѓународниот ден на трудот се одбележува на 1 мај во знак на почит кон жртвите на штрајкот што се одржа од 1 до 4 мај 1886 во Чикаго. На овој штрајк, организиран со цел воведување на 8-часовен работен ден, беше употребена сила од страна на полицијата, при што имаше и жртви. Подоцна, организаторите на штрајкот беа изведени на суд, при што четворица од нив беа и погубени.

Во знак на почит кон жртвите од чикашкиот штрајк, Втората интернационала на својот оснивачки конгрес во 1889 донесе декларација со која се повикуваат работниците од целиот свет на демонстрации на 1 мај со цел подобрување на својата положба. Оттогаш, традиционално, на 1 мај секоја година во повеќе земји ширум светот се одржуваат демонстрации во знакот на одбележувањето на Меѓународниот ден на трудот.

Меѓународниот ден на трудот е државен празник во повеќе земји во светот, пред се во комунистичките и бившите комунистички земји.

И во Република Македонија, Меѓународниот ден на трудот има статус на празник.

Унијата на ЗМСТАС предводена од здружението „За нас“ ви го честита 1ви мај, денот на трудот.