ДЕН НА ЗДРАВЈЕТО: ОД НАС ЗА НАС!

Почитувани членови, Унијата на ЗМСТАС предводена од ЗМСТАС - ЗА НАС ви го честита Денот на здравјето, 7ми Април.

Во овие несекојдневни моменти кога хуманоста, несебичноста и пожртвуваноста на медицинскиот персонал е на највисоко ниво сакаме да изразиме огромна благодарност до персоналот на Инфективната клиника во Скопје, Одделите за инфективни болести во Куманово, Дебар... ЈЗУ ГОБ 8ми Септември - Скопје и секаде каде докторите, медицинските сестри, болничарите и хигиеничарите се во првите борбени редови против корона вирусот.

ОД ИМЕ НА УНИЈАТА И ЗДРУЖЕНИЕТО „ЗА НАС“ САКАМЕ ДА УПАТИМЕ ПОДДРШКА И ПОМОШ СЕКАДЕ КАДЕ ШТО Е ПОТРЕБНА, НА НАЧИН НА КОЈШТО СИТЕ ВИЕ МОЖЕ ДА НЕ ПОСОВЕТУВАТЕ. ВЕ ЗАМОЛУВАМЕ ДА НЕ ИСКОНТАКТИРАТЕ ЗА СЕ ОНА ЗА КОЕ СМЕТАТЕ ДЕКА МОЖЕМЕ ДА ПОМОГНЕМЕ.

ВО ПРОДОЛЖЕНИЕ ВИ ПРЕЗЕНТИРАМЕ ДЕЛ ОД ЧЕСТИТКИТЕ И ОБРАЌАЊАТА НА НАШЕТО СЕСТРИНСТВО:

„Почитувани приjатели, другари и колеги имајќи во предвид во која ситуација се наоѓаме, на сите што се заразени со овој вирус им посакувам што побрзо закрепнување и успешно лекување. Исто така препорачувам смиреност и трпение поради тоа што нема простор за паника, туку само да се избегнуват групните контакти, одржување на лична хигиена и помалку непотребни излегувања од дома. Седи дома - спаси живот! Поради тоа што сме во месец Април ја користам ова прилика да им го честитам Меѓународниот ден на здравјето - 7ми април на сите здравствени херои кој во секое време се во состојба да им пружат помош на граѓаните на СРМ. Заедно ќе ја победиме оваа таканаречена вирусна војна доктори, сестри и останат помошен персонал.“
Со почит, Џеват Салиу
Претседател на здружението на мед.сестри, акушерки,текничари и лаборанти Албанци - Гостивар.

„Të nderuar dhe shumë të respektuar miq,shokë dhe kolegë duke e marë parasysh në çfarë situate jemi pik së pari ju kisha drejtuar të gjthë atyre që janë të prekur nga virusi Covit 19 durim dhe shërimë sa më të shpejtë dhe kisha preferuar që suqerimet të jenë në nivelin e mbajtjes së qetsis përshkak se vendë për panikë nuk ka por vetëm kujdesë,shmangje të kontakteve grupore dhe higien peronale .Edhe kjo situatë do të kalojë me shpres me më pakë raste të prekura nga ky virus.Njëkosishtë mbasi jemi në muajin Prill shfrytëzoj rastin që të gjithë herojve shëndetësor tua uroj ditën e shëndetësis 7 prill me shpesë që do ja dalimë në çdo situate të gjithë së bashku mjekë,infermier dhe stavë ndimës.“
Respekt Xhevat Saliu
Kryetari i shoqatës së motrave medicinale,akushereve,teknikëve dhe laborantëve shqipëtar Gistivar

„Драги мои колешки и колеги нека ни е честит 7ми Април, денот на здравјето од здружението „Флоренс Најтингејл“ од Куманово и од мое лично име, со желби за добро здравје, лична и колективна срека. Оваа година денот ќе до одбележиме виртуелно преку социјалните мрежи поради пандемијата од Ковид 19, но енергијата што ја испраќаме не е помала од другите години. Напротив, со силата на умот и моќта на мислата сакаме да допреме до секој поединец во оваа наша убава земја. Ве сакаме, Ве чуваме... Ве молиме СЕДЕТЕ ДОМА!“
Љубинка Манасиевска, Куманово

„Голема благодарност до Унијата и здружението „ЗА НАС“ и до сестра Гордана Бешлиовска која ни овозможи да допреме до сите здравствени работници, особено до оние кои што во моментот се во првите редови. Барем за миг во оваа страшна голгота со која што за прв пат се среќаваме во нашиот живот да ги изразиме нашите чувства дека сме сите заедно во овие тешки мигови и сите заедно сплотени ќе можеме и мораме да издржиме за доброто на нас и на нашиот народ. Секако не можеме а да не го спомнеме и денешниот ден 7ми април - Денот на здравјето, нека ни е честит да бидеме сите здрави и срекни, со најголеми желби за полесно и побрзо пребродување на оваа тешка ситуација.“
Сузана Панова, Делчево; Здравствени работници во Јавното Здравство од Здравствен Дом Делчево, Македонска Каменица и сите приватни ординации

„Почитувани колеги, колешки, здравствени работници и добронамерници... моментално ви се обраќам од својот дом, а не од моето работно место бидејќи сум во самоизолација поради тоа што мојот сопруг е болeн од COVID 19 и е хоспитализиран на инфективното одделение во Прилеп. Денес е шести ден од поставувањето на дијагнозата и приемот, и прв ден кога неговата состојбата станува стабилна. Претходните пет беа долги, тешки и мачни, секој ден- година во исчекување на подобрувањето. Во време на пандемија ова е болна точка на многу луѓе независно од пол, националност, возраст, образование... Но најголем проблем е тоа што силата која што треба да биде оружјето на оваа војна се повеќе станува поразена. Ако се запрашаме зошто- одговорот на сите ни е јасен, малку сме на број, заштитната опрема која ни е на располагање е со ограничени ресурси...

Но покрај сето ова, најважното, што секогаш го ставаме на последно место, е подигањето на самосвеста , информирањето на околината, спречувањето на ширење на болеста. Кога овие три нешта ќе бидат на прво место можеме да почнеме да веруваме дека војната ќе ја добиеме.

Мој предлог во ова време- невреме е доколку има согласност да се формираат групи на пациенти заболени со COVID 19, нивните семејства и здравствените работници каде што ќе се споделуваат лични искуства и ќе се пружа меѓусебна помош. Пациентите ќе се ослободат од мислата дека се етикетирани во средината и ќе имаат храброст и сила да ги споделат јавно своите искушенија, додека здравствените работници ќе имаат поголема прегледност на ситуацијата и ќе можат тимски да си ја вршат својата должност.

Драги колеги и колешки од срце сакам да ви го честитам 7ми Април денот на здравствените работници, да ви посакам здравје, сила, трпение и љубов. Сите сложно да се избориме со оваа пандемија да си ги прегрниме нашите семејства без страв дека ќе ги изложиме на некаков ризик, да им ја подариме сета љубов и нега на нашите пациенти, и да доживееме да им раскажуваме на нашите внуци дека сме биле дел од пандемијата COVID 19 но сме излегле како апсолутни победници.

Огромен поздрав и благодарност до службата за епидемиологија, сите вработени на инфективното одделение во Прилеп за нивниот несебичен и макотрпен ангажман околу нивните пациенти.“
Христина Гулеска, медицинска сестра во ПЗУ „Медика - Десоски“, Прилеп