Почитувани, Унијата на ЗМСТАС предводени од Здружението „За нас“ апелира до сестринската професија во нашата држава на истрајност, пожртвуваност и одговорност кон можеби и најголемиот предизвик со кој се соочува светската популација – заштита од корона вирусот!
„Во моментов сестринската професија е најзагрозена категорија на здравствени работници кои се соочуваат со секакви неприлики. Ние сме во најблизок контакт со сите пациенти, било да се незаразни или заразни. Да се почитуваме, немаме резерви!“ – се дел од коментарите кои циркулираат низ социјалните мрежи.
Токму затоа сакаме да дадеме поддршка за сите нас кои сме директно вклучени во борбата против пандемијата. Започнувајќи од докторите, медицинските сестри и целиот помошен персонал.
Воедно,
Да апелираме најстрого и во целост да се применуваат препораките од Светската здравствена организација и превентивните мерки на кои укажува нашата влада;
Да делуваме здравствено воспитно на нашите пациенти и на целата наша околина со цел да ја подигнеме јавната свест и совест за превенција;
Да споделуваме и препорачуваме се што официјално го наложува Министерството за здравство и
Да си помогнеме на работните места, да се надополниме и да ја изразиме нашата хуманост кон пациентите и кон нас самите.
Во знак на поддршка Унијата Ви благодари и Ве охрабрува сите Вие кои сте најдиректно изложени да ни се обратите за се што сметате дека е проблем, да споделите информација или побарате помош која би ја проследиле понатаму, со цел да имаме резултати од нашите интервенции.
.png)
Подготвил:
Даниел Стојмановски
Лице за односи со јавноста и комуникација со медиуми